Bakı Limanının Ro-Ro rampasının avtomatlaşdırılması və modifikasiyası

Bakı Beynəlxalq Dəniz Ticarət Limanında (Ələt qəsəbəsi) mövcud Ro-Ro və Ro-Pax tipli bərə gəmilərinin qəbulu üçün nəzərdə tutulmuş tənzimlənən keçid körpüsünün (rampasının) avtomatlaşdırılması və modifikasiyası üzrə mühəndislik layihəsi. Konstruktiv baza müasir elektrohidravlik mexanizmlər və tam avtomatlaşdırılmış idarəetmə sistemləri əsasında yenidən işlənmişdir. Mexaniki, konstruktiv və avtomatlaşdırma sistemlərinin uzlaşdırılmış fəaliyyəti körpünün dəqiq tənzimlənməsini təmin edərək bərələrin yüklənmə-boşaldılma əməliyyatlarının sürətini və istismar təhlükəsizliyini əhəmiyyətli dərəcədə artırmışdır.