Nikki Beach Bakı süni adasının layihələndirilməsi
“Nikki Beach Bakı” layihəsi çərçivəsində Xəzər dənizinin Nardaran sahillərində (Bakı şəhəri) istirahət və əyləncə təyinatlı süni adanın yaradılması nəzərdə tutulmuşdur. Layihəyə əsasən süni ada sahildən təxminən 160–200 m məsafədə, dənizin dayaz hissəsində yerləşdirilmişdir. Adanın ümumi sahəsi təxminən 1 hektar təşkil edir və burada bir və iki mərtəbəli premium istirahət obyektlərinin, kölgəlik çardaqlarının və üzmə hovuzlarının inşası planlaşdırılmışdır. Süni adanın əsas konstruktiv elementi dəniz dibindən hündürlüyü 3–5 m arasında dəyişən qapalı daş-tökmə dambadan ibarətdir. Dəniz tərəfdə yamaclar dalğa təsirlərinə qarşı qaya daşları örtüyü, habelə 0,5 ton və 1 ton ağırlığında “heksaleq” tipli fasonlu beton blokların tətbiqi ilə mühafizə olunaraq adanın uzunmüddətli və təhlükəsiz istismarını təmin edir.
