Taxtakörpü su anbarı və SES-in layihələndirilməsi
Bakı və Sumqayıt şəhərlərinin, eləcə də bütün Abşeron yarımadasının dayanıqlı içməli və suvarma suyu təchizatında strateji əhəmiyyət daşıyan irimiqyaslı su qovşağı layihəsi. Kompleks Vəlvələçay — Ceyranbatan yeni kanalının 32-ci kilometrliyində, Şabran və Siyəzən rayonlarının ərazisində (Şabran — Siyəzən magistral yolundan 5 km qərbdə, 50–250 m relyef yüksəkliklərində) inşa edilmişdir.
Mühəndislik kompleksinin tərkibi və əsas parametrləri:
• Mərkəzi gil nüvəli və çınqıl-qum prizmalı, silsilə üzrə uzunluğu 1180 m, oturacağının eni 750 m təşkil edən və gövdəsinə təqribən 25 milyon m³ torpaq kütləsi tökülmüş bənd;
• Hündürlüyü 135,5 m, ümumi tutumu 268 milyon m³, faydalı həcmi isə 218,9 milyon m³ təşkil edən su anbarı (Avropada öz kateqoriyasında ən nəhəng torpaq bəndlərdən biri);
• Təhlükəsiz suötürmə qabiliyyətinə malik dəmir-beton sutullayıcı tunellər;
• Bərpa olunan enerji hasil edən müasir Su Elektrik Stansiyası (SES).
