Cəbrayıl rayonunda meliorasiya və su təsərrüfatı kompleksinin bərpasının layihələndirilməsi
Şərqi Zəngəzur iqtisadi rayonunun meliorasiya və su təsərrüfatı infrastrukturunun yenidən qurulması, modernləşdirilməsi və bölgənin aqrar potensialının tam gücü ilə dirçəldilməsi məqsədilə həyata keçirilən irimiqyaslı strateji layihə. Müqavilə çərçivəsində Cəbrayıl rayonunun azad olunmuş ərazilərində hidrotexniki qurğuların, supaylayıcı şəbəkələrin və suvarma sistemlərinin bərpası üçün texniki-iqtisadi əsaslandırma (TİƏ) və tam işçi-layihə sənədləri toplusu hazırlanmışdır.
Layihələndirilmiş əsas mühəndis həlləri:
• Araz və Çaylaqçay hövzələrində baş sugötürücü hidromaqovşaqların və yüksəktəzyiqli nasos stansiyalarının bərpası və yenidən qurulması;
• Sızmaya qarşı monolit dəmir-beton üzlüklü magistral suvarma kanallarının və magistral boru kəmərlərinin layihələndirilməsi;
• Sutkalıq və mövsümi axın tənzimləyici su hovuzlarının (su anbarlarının) inşası üçün mühəndis həlləri;
• Müasir pivot (yağışyağdırma) və damcılı suvarma texnologiyalarına uyğunlaşdırılmış təsərrüfatdaxili paylayıcı şəbəkələrin qurulması;
• Su itkilərinin minimuma endirilməsi və su ehtiyatlarının operativ idarə olunması üçün rəqəmsal SCADA monitorinq sistemlərinin tətbiqi.
Layihənin icrası Cəbrayıl rayonunun on minlərlə hektar münbit əkin torpağının yenidən kənd təsərrüfatı dövriyyəsinə qaytarılmasını və bölgənin dayanıqlı sosial-iqtisadi inkişafını təmin edir.
