Sea Breeze kurortunda Half Moon süni adasında kiçikhəcmli gəmilər limanının layihələndirilməsi

"Sea Breeze" kurort kompleksində "Half Moon" süni adasının yaradılması layihəsi çərçivəsində genişləndirilmiş sahil zolağına bitişik ərazidə kiçikhəcmli gəmilərə xidmət göstərən marina tipli liman infrastrukturu. Layihə daxilində Xəzər dənizinin müxtəlif su səviyyələrində gəmilərin təhlükəsiz yanalmasını təmin etmək məqsədilə üzən ponton sistemləri və mühəndis-kommunikasiya şəbəkələri layihələndirilmişdir. Həmçinin gəmilərin yanacaq təchizatının təmin edilməsi üçün yanacaqdoldurma məntəqəsi və limanın idarə olunmasına xidmət edən operator binası layihəyə daxil edilmişdir.