Bakı Beynəlxalq Dəniz Limanının naviqasiya kanalının və akvatoriyasının dibdərinləşdirilməsi

Ələt qəsəbəsində yerləşən Bakı Beynəlxalq Dəniz Ticarət Limanının mövcud naviqasiya kanalının və əməliyyat akvatoriyasının dibdərinləşdirilməsi üzrə irimiqyaslı mühəndislik-hidrotexniki layihəsi. Layihə çərçivəsində ümumi uzunluğu 8,3 km olan dəniz naviqasiya kanalının və 66 ha sahəni əhatə edən liman akvatoriyasının dibdərinləşdirmə işləri layihələndirilmişdir (ümumi layihə ərazisi 200 ha təşkil edir). Mühəndislik həlləri kanalda ikitərəfli təhlükəsiz gəmi hərəkətinin bərpasını, naviqasiya şəraitinin yaxşılaşdırılmasını və strateji logistika qovşağının ümumi yükaşırma potensialının artırılmasını təmin edir.