Qudyalçay su anbarının konseptual layihəsi
Azərbaycanın şimal-şərq bölgəsində su ehtiyatlarının inteqrasiyalı idarə edilməsi və aqrar sektorun su təminatının möhkəmləndirilməsi məqsədilə həyata keçirilən strateji hidrotexniki konseptual layihə. Layihə Quba rayonunda, bolsulu Qudyalçay üzərində ümumi hədəf sahəsi 13 282 ha (o cümlədən əkin dövriyyəsinə yeni cəlb olunacaq 9 266 ha torpaq) olan kənd təsərrüfatı massivlərinin fasiləsiz suvarma suyu ilə təmin edilməsi üçün su anbarının yaradılmasını nəzərdə tutur.
Mühəndis-axtarış işləri çərçivəsində bəndin inşası üçün iki alternativ stvor üzrə altı variant təhlil edilmişdir:
• Stvor 1 (Bənd 1): hündürlüyü 40-dan 60 metrədək dəyişən 3 variant üzrə 3,5-dən 8,8 mln. m³-dək su tutumu olan anbar layihəsi;
• Stvor 2 (Bənd 2): hündürlüyü 40-dan 70 metrədək olan 3 variant üzrə layihə həcmi 12,9-dan 71,43 mln. m³-dək çatan iritutumlu strateji rezervuar layihəsi.
Konseptual layihə relyef və geoloji şəraiti nəzərə alaraq sel təhlükəsizliyini, daşqın sularının tənzimlənməsini və Quba-Xaçmaz zonası üzrə supaylayıcı şəbəkəyə inteqrasiya sxemlərini müəyyən edir.
