Abşeron birləşdirici kanalının layihələndirilməsi

Azərbaycan Respublikasında su təsərrüfatı infrastrukturunun inkişafı və modernləşdirilməsi çərçivəsində regional su təchizatı şəbəkələrini əlaqələndirən Abşeron birləşdirici kanalının inşası üzrə mühəndislik layihəsi. Layihə diametri 1800 mm, ümumi uzunluğu 2636,45 m olan birləşdirici boru kəmərinin çəkilişini, əlaqədar magistral boru xətlərinin montajını və açıq tipli monolit dəmir-beton tənzimləyici su qurğularının tikintisini əhatə edir. Həyata keçirilən mühəndis həlləri su ehtiyatlarının operativ paylanmasını təmin edir, sızma və buxarlanma itkilərinin qarşısını alır, Abşeron yarımadasının kənd təsərrüfatı və infrastruktur sahələrinin dayanıqlı su təminatına xidmət edir.