“Həzi Aslanov” metro stansiyasında yükdaşıyıcı konstruksiyaların bərpası

Layihə çərçivəsində Bakı şəhərində yerləşən “Həzi Aslanov” metro stansiyasının dalan yollarında korroziyaya və deformasiyaya uğramış yeraltı yükdaşıyıcı konstruksiyaların kompleks bərpası nəzərdə tutulur. 1982–2002-ci illərdə inşa edilmiş bu stansiya açıq üsulla 16–25 metr dərinlikdə, tökmə torpaq altında tikilmiş dayaz yerləşdirilmiş metro qurğularına aiddir. Bərpa edilən dalan sahəsinin ümumi uzunluğu 207 m təşkil edir və eni 4,25 m və 8,25 m olan üçgözlü tuneldən ibarətdir. Tunelin üst örtüyü üzərindəki torpaq qatının qalınlığı 7–10 metr arasındadır.