Böyükşor - Pirşağı avtomobil yolunun M. Nərimanov küçəsi ilə kəsişməsində çoxsəviyyəli nəqliyyat qovşağının layihələndirilməsi

Böyükşor – Pirşağı avtomobil yolunun Müzəffər Nərimanov küçəsi ilə əlaqələndirilməsi məqsədilə müxtəlif səviyyəli yolötürücüləri və qovşaq kompleksinin layihələndirilməsi. Yol infrastrukturu fasiləsiz hərəkətli, ümumşəhər əhəmiyyətli magistral küçə dərəcəsinə malikdir. Torpaq yatağının eni 27,60–34,60 m, hərəkət hissəsinin eni isə 10,50–14,00 m olmaqla 6–8 hərəkət zolağını təmin edir. Kapital tipli asfalt-beton örtük 115 kN (11,5 t) hesabi ox yükünə və 0,80 MPa təkər təzyiqinə hesablanmışdır. Layihə çərçivəsində 2 x 0,50/1,00 m enində bərkidici zolaqlar, 2 x 1,50 m enində piyada səkiləri və 2,50% təşkil edən eninə maillik layihələndirilmişdir.