H. Əliyev və Z. Bünyadov prospektlərinin kəsişməsində nəqliyyat qovşağı və vantlı körpünün layihələndirilməsi

Paytaxtın əsas nəqliyyat arteriyalarının hərəkətini optimallaşdırmaq məqsədilə işlənib hazırlanmış, MDB məkanında analoqu olmayan unikal çoxsəviyyəli nəqliyyat qovşağının irimiqyaslı infrastruktur layihəsi. Kompleks ümumi uzunluğu 3145,0 m olan avtomobil yolları və yanaşma yolları ilə əlaqələndirilmiş 9 körpü və yol ötürücüsündən ibarətdir. Layihələndirmə üç mərhələdə həyata keçirilmişdir:

I mərhələ Ziya Bünyadov, Heydər Əliyev və Qara Qarayev prospektlərini birləşdirən 3 yol ötürücüsü və 1286 m uzunluğunda giriş yollarını əhatə edir;

II mərhələ çərçivəsində aeroport və Bakıxanov qəsəbəsi istiqamətində ümumi uzunluğu 1194 m olan 4 yol ötürücüsü, o cümlədən hündürlüyü 27,61 m-ə çatan parabolik metal tağlar üzərində 56,0 m aşırımlı asma yol ötürücüsü layihələndirilmişdir;

III mərhələdə isə Azərbaycan təcrübəsində ilk dəfə aşırım uzunluğu 360,0 m, pilon hündürlüyü 98,0 m və yanaşma yolları 665 m olan vantlı yol ötürücüsü layihələndirilmişdir.