Bakı Limanında dəmir yolu infrastrukturu və konteyner terminalının layihələndirilməsi

İnfrastruktur layihəsinə uzunluğu 344,26 m, hərəkət hissəsinin eni 12,00 m, torpaq yatağının eni 15,60 m və səkiləri 1,30 m olan avtomobil yolu daxildir. Kapital tipli asfaltbeton örtük 115 kN (11,5 t) hesabi ox yükünə və 0,6-0,7 MPa təkər təzyiqinə hesablanmışdır. Dəmir yolunun rels izinin eni 1520 mm, mövcud xətlər arası məsafə 5,30 metrdir. Terminaldaxili dəmir yolu şəbəkəsi ümumilikdə 5 ədəd yükdoldurma-yükboşaltma və 3 ədəd manevr yolundan (minimal radius 180 m, "C" və "T" qabarit standartları) ibarətdir. Konteyner meydançası platforması QOST 9238-2013 standartına uyğun olaraq relsdən 200 mm hündürlükdə və oxdan 1745 mm məsafədə layihələndirilmişdir. Avtomobil nəqliyyatı üçün bir səviyyədə 5 ədəd mühafizə olunmayan keçid nəzərdə tutulmuşdur.